Zargan Ka War

Description

Zargan Ka War by Arfan Murtaza

 زرگان کا وار – ناول کی ایک دلچسپ جھلک ۔

“زرگان کا وار ” سی نائن سیریز کا ساتواں ناول ۔
” زرگان کا وار ” خوف اور دہشت سے بھرا ایجنٹ زرگان کا واپسی کا سفر ۔
زرگان ، وہی خطرناک اور شاطر ایجنٹ جو ناول “ایجنٹ حورب” میں منظر عام پر آیا اور اب پہلے سے بھی زیادہ خطرناک اور ناقابلِ شکست روپ میں دوبارہ سامنے آرہا ہے ۔
ایجنٹ حورب کی آنکھوں کے سامنے ہواایک ہولناک قتل۔حیرت کی بات کہ قاتل بھی اس کی نظروں کے سامنے ہی تھا۔ آخر اس نے قاتل کو پہچانا کیسے؟ آپ کی دلچسی عروج پر پہنچ جائے گی۔
جب اس کی تفتیش اسے ایک خوفناک اور پر اسرار عمارت تک لے آئی ، جہاں اس کی موت کا منصوبہ پہلے سے ترتیب دیا جا چکا تھا۔ آپ کو ہر قدم پر موت کی آہٹ محسوس ہو گی۔
حورب ایک بھیانک تہہ خانے میں پہنچی، جہاں اچانک ایک پراسرار وجود نمودار ہوا۔ جیسے ہی حورب کی نظر اس کے چہرے پر پڑی، اس کی سانسیں رک گئیں۔ اس شخص سے ان حالت میں ملاقات کا وہ کبھی سوچ بھی نہیں سکتی تھی۔ مگر یہ صرف آغاز تھا۔ اس کے لیے مشکلات کے پہاڑ ابھی باقی تھے۔ اسے بچ نکلنے کا کوئی راستہ نظر نہیں آرہا تھا۔
وہ پراسرار وجود کون تھا؟ یہ تو آپ ناول پڑھ کر ہی جان سکیں گے۔
اور پھر آیا وہ لمحہ جب حورب اور زرگان کا ہوا خونی ٹکڑاؤ۔ ایک ایسا تصادم جس کا ہر لمحہ موت کی لپیٹ میں تھا۔
سی نائن ٹیم نکلی پروفیسر صفدر کی تلاش میں ۔ ان کی تلاش انہیں ایسی جگہ لے آئی کہ آپ دنگ رہ جائیں گے۔ عرفان اور اس کے ساتھیوں کا بچ نکلنا نا ممکن بنا دیا گیا۔ وہ ہو چکے تھے ایک شیطانی چکر کا شکار۔انتہائی ہنگامہ خیز حالات۔
ایک ایسی خطرناک تنظیم جس کی سرپرستی خود شیطان کر رہا تھا؟معصوم لوگوں کو آلہ کار بنا کر وہ اپنا مشن مکمل کرنا چاہتے تھے۔ کیا تھا ان کا مشن؟ کیا سی نائن ٹیم اسے روک سکی؟ایک خوفناک حقیقت۔
ڈاکٹر ایم۔ایک سفاک دشمن۔اس دفعہ وہ پھر کامیاب ہوا ایک نایاب اور مہلک مخلوق تیار کرنے میں۔ ایسی مخلوق جس سے پوری انسانیت کو خوف میں مبتلا کیا جا سکتا تھا۔ اس کا یہ تجربہ سائنس کی دنیا کو بدل دینے والا تھا۔ وہ ا یک خواب کو حقیقت بنانے میں کامیاب ہو چکا تھا۔
ٹریفک سے بھری شاہراہ پر شروع ہوا ایک سنسنی خیز تعاقب۔تیز رفتار اور خطرناک انداز میں گاڑیاں ایک دوسرے کے پیچھے بھاگ رہی تھیں۔ پھر چلتی گاڑیوں کی چھت پر ہوا ایک جان لیوا مقابلہ۔ سانسیں روک دینے والا یہ مقابلہ کس کے حق میں ہوا ؟ کون فتح یاب ہوا؟
“مردوں کی کتاب “کی تلاش میں شروع ہونے والا ہنگامہ جو اپنے عروج کو پہنچ چکا تھا۔
مردوں کی کتاب کو حاصل کرنے کی خاطر میجر جیری نے پروفیسر صفدر پرکر دی ظلم کی انتہا ۔ زنجیروں میں جکڑے ایجنٹ خرم اور ایجنٹ سیف بے بسی کے عالم میں سب دیکھنے پر مجبور تھے۔ اور پھر وہ لمحہ آیا جب پروفیسر صفدر نے بالآخر میجر جیری کے سامنے گھٹنے ٹیک دیے۔
کیا “مردوں کی کتاب” شیطان زٹانا کے ہاتھوں میں پہنچ گئی؟ کیا وہ اپنے بھیانک مقصد میں کامیاب ہو سکا؟
کیا سی نائن ٹیم واقعی اس خطرناک مشن میں ناکام ہو جائے گی؟ یا پھر وہ ایک آخری جان توڑ کوشش کریں گے؟
سنسنی، سسپنس ، مسٹری ،ایڈونچر ، اعصاب کو منجمند کر دینے والے حالات اور واقعات اور خوفناک حقیقتوں کا پردہ فاش کرتا ناول۔”زرگان کا وار”۔
سی نائن ٹیم کا ساتواں کارنامہ پڑھئے۔