اشتیاق احمد ایوارڈ

شہزاد بشیر کے لئے اشتیاق احمد ایوارڈ کا اعلان

چلڈرن لٹریری سوسائٹی ایوارڈز 2025 کی جانب سے مشہور و معروف جاسوسی ناول نگار شہزاد بشیر کو سال 2024 میں بہترین ناول نگاری اور تسلسل سے اشاعت پر دنیائے جاسوسی ادب کے عظیم مصنف کے نام کا “اشتیاق احمد ایوارڈ” برائے سال 2024 سے نوازے جانے کا اعلان کردیا گیا ہے۔

یہ اعلان 21 جنوری 2025 کو چلڈرن لٹریری سوسائٹی کی جانب سے کیا گیا جس کے بعد قارئین اور وزیٹرز نے پرجوش ہوکر مصنف شہزاد بشیر کو مبارک باد کے پیغآمات بھیجے کا سلسلہ شروع کردیا جو تاحال جاری ہے۔

اردو ادب میں ایک اہم سنگ میل کے طور پر، مشہور مصنف شہزاد بشیر کو اشتیاق احمد ایوارڈ برائے سال 2024 کے لیے منتخب کیا گیا ہے۔ یہ اعلان اس وقت کیا گیا جب چلڈرن لٹریری ایوارڈز 2025 کی تفصیلات سامنے آئیں۔ یہ ایوارڈز 9 فروری 2025 کو انٹرنیشنل بک فیئر، ایکسپو سینٹر جوہر ٹاؤن لاہور میں منعقد ہوں گے۔

شہزاد بشیر نے سال 2024 کے دوران بہترین ناول نگاری کی بنا پر یہ اعزاز اپنے نام کیا۔ انہوں نے نہ صرف 34 ناولز تخلیق کیے بلکہ انہیں اپنے ادارے مکتبہ کتاب دوست سے شائع بھی کیا۔
شہزاد بشیر کا شمار ان مصنفین میں ہوتا ہے جو اپنے قارئین کو تسلسل کے ساتھ معیاری مواد فراہم کرتے ہیں۔ ان کی تخلیقات نے خاص طور پر جاسوسی ادب میں ایک نیا معیار قائم کیا ہے۔ وہ اشتیاق احمد مرحوم کے بعد ایسے واحد مصنف ہیں جو ہر ماہ چار سے پانچ ناولز تخلیق کرنے کی صلاحیت رکھتے ہیں۔

اشتیاق احمد کے جانشین

شہزاد بشیر نے ہمیشہ اشتیاق احمد مرحوم کو اپنا روحانی استاد مانا ہے اور ان کی طرزِ تحریر کو زندہ رکھا ہے۔ ان کے کام کو دیکھ کر یہ کہنا بجا ہوگا کہ وہ اشتیاق احمد کے مشن کو کامیابی کے ساتھ آگے بڑھا رہے ہیں۔ قارئین کا کہنا ہے کہ شہزاد بشیر اشتیاق احمد کے حقیقی جانشین ہیں جو ان کے مقصد کو اسی انداز میں آگے بڑھا رہے ہیں۔

شہزاد بشیر کی تخلیق کردہ سات دلچسپ سیریز اردو ادب کے قارئین میں بے حد مقبول ہیں۔ ان سیریز کی مقبولیت کا اندازہ اس بات سے لگایا جا سکتا ہے کہ قارئین ہر ماہ ان کے نئے ناولز کے شدت سے منتظر رہتے ہیں اور اپنی دلچسپ آراء کا اظہار کرتے ہیں۔

مزید معلومات اور خریداری

شہزاد بشیر کا مکمل تعارف اور ان کی ادبی خدمات جاننے کے لیے ان کی ذاتی ویب سائٹ ملاحظہ کریں:
https://shahzad.kitabdost.com

شہزاد بشیر کے تمام ناولز خریدنے کے لیے مکتبہ کتاب دوست کے اسٹور پر جائیں:
https://store.kitabdost.com/product-category/popular-authors/shahzad-bashir/